ايه افضل ال Django Text Editor

ايه افضل ال Django Text Editor

السلام عليكم

وانته شغال في مشروع الخاص بيك ، هتحتاج اوقات تسخدم Text Editor زي مثلا تكون بتعمل Blog وعاوز المستخدم وهوه بيكتب يقدر يضيف كلام ويعمل عليه formatting ودي ميزه كويسه جدا واكيد انته محتاجها ، الفكره ان ال Packages اللي موجود في دجانجو اللي بتمكنك تعمل كده كتيير ، والنهارده هنتكلم عن اقواهم او افضلهم من واقع استخدامي ليهم كلهم وهرتبهم حسب القوه من وجهه نظري

 

١ - Summernote :

من وجهه نظري هوه اقواهم ، اهم ميزه فيه انك تقدر ترفع صور عادي من غير اي اضافات ليه ، مجرد تعملها Drag Drop دا غير انه بسيط وسهل جدا انك تعدل عليه وتتحكم في كل ال Widgets اللي فيه ، تقدر تجربه من علي الموقع الرسميبتاعهم من هنا

 

٢ - CKEditor :

كان المفضل بالنسبالي لفتره كبييييره جدا ، اخد مني وقت طويل علشان اقدر اتعامل معاه كويس ، مميزاته انه قوي جدا وفيه حااجات كتييره اوي اوي ، صعوبته في التصطيب الخاص بالاضافات الخاصه بيه ولكن الاضافات دي كتييره جدا وبتعطيله قوي ، ليهم Themes كتييره جدا تقدر تختار ما بينهم وتقدر تتحكم في ال Widgets اللي انته عاوزها تظهر فيه بسهوله من ال settings.py

 

٣ - TinyMCE :

جربته اكتر من مره علي سبيل التجربه لكن الصراحه محبتهوش ، ال Summernote , Ckeditor اافضل منه من واجهه نظري ولكن سبب اني اتكلمت عنه هو شعبيته ، اغلب المقالاات الخاصه ب دجانجو بتستخدمه

 

حاليا بستخدم ال Summernote كتيير جدا ويمكن استخدم معاه ال Ckeditor بمعني ان اجعل واحد فيهم [summernote] لل Form اللي موجوده في الموقع واخصص فيها واظهر عدد ال Widgets القليل اللي انا عاوزه زي ال Form الخاصه ب ال Comment مثلا ، واستخدم التاني [ckeditor] في ال Admin Panel علشان اقدر اضيفله كل الاضافات الخاصه بيه واللي بتسهل عليا الشغل

لو بتستخدم غيرهم شاركني رايك ب اسم في كومنت ولو استخدمتهم قولي ايه افضلهم من وجهه نظرك

بالتوفيق

2020-08-08